Jalə Hüseyinzadə

Sənət tarix boyu insanlar tərəfindən ünsiyyət qurmaq üçün ən güclü vasitə olmuş, müxtəlif mədəniyyətlərə, dəyərlərə malik olan insanları öz əhatəsinə toplamışdır. Bütün yaradıcılıq sahələri sıx bağlı olduğundan hamısı bir-birinin işığında irəliləyir. Memarlıq da gözəlliklər əsasında formalaşan bir yaradıcılıq növü olmuş, cəmiyyətin bu dünyada iz qoyması üçün ən mükəmməl sənət sahəsi hesab olunur. Memarlıq həqiqətən də insana yaratmağı, işləməyi və zövq almağı öyrədən bir sənətdir. Mən hal-hazırda rəngkarlıq, digital memarlıq və 3d vizualizasiya ilə yaradıcılığımı davam etdirir, bu sahələri daha da mükəmməlləşdirməyə çalışıram. Bununla yanaşı, incəsənət, memarlıq inkişafının mərhələlərinə dair yeni məlumatlar topladıqca fərqinə vardım ki, insanların ən dəyərli fikirləri məhz qələmlə, yazı ilə özünə həyat tapır.